فهذه اليمات و لينا نشوفوا اعضاء جزائريين فالمنتديات يهدروا باللهجات العربية الاخرى ولا ابريء نفسي من هذا الشيء فانا شخصيا اتكلم باللهجات العربية الاخرى لكن للاسف هذا راجع لان اخواننا العرب يقولو انهم ما يفهموش لهجتنا على هاذي طرحت الموضوع هذا باش اللي ميعرفش لهجتنا يحفضها و باذن الله نحاولوا كيفاش نشاركوا بلهجتنا بطريقة يفهموها الاخرين . نبدا
واش راك |كيف احوالك
في لامان ، تبقي علي خير| الي اللقاء
واش بيك|ما بك
صَحْ|صحيح
صحا |اهلا او شكرا
صحة| صحة
مَكَانْشْ مْنْهَا| هذا التعبير فيه معني عدم التصديق مثلا .... غير ممكن او لا اصدق
صار ..صرا | حدث. مثال نقول واش صرالك بمعني ماذا حدث لك
ْولِيتْ..ْصرْتْ| اصبحت..مثال وليت ندير كذا بمعني اصبحت افعل كذا
دْرْتْ| فعلت او قمت..من اهم الافعال
دُورْ| استدر..فيها هذا المعني حرفيا و مجازيا
دُورَة| جولة..مثلا اقول درت دورة في المدينة أي قمت بجولة
تْـقْـلب | انقلب . فيها ايضا معني سقط
طاح | سقط
شَـافْ | نظر
خْـلْصْ | تستعمل في الجزائر بمعني دفع المال.
حْوْسْ| لها معني ابحث عن الشيئ ....لها ايضا معني اتجول, اتنزه
البُـوسْطَـة| مركز البريد.
البْـلَاَصَة| المكان, الموقع.
اسكت| اسكت
أَحْـبْسْ | توقف عن الامر
بَاشْ| لكي
بَـْركَة | كفاية
زْعْفْ| غضب, يغضب
نْــسْــتَـعْـرْفْ, | اعترف,
تْـسْحَـقْ | تحتاج, تريد
عندي, ما عنديش| لدي, عندي, ليس لدي
صْـعِـيبَة| صعبة
مْـلِيحْ..بَاهِي...| جميل
بزاف..ياسر..|كثير
درْكْ | الان
عْـيَاطْ..|صراخ
بكا| بكاء
كَايْنْ..|موجود..من اهم الافعال
نْـسْــتْـنَـا فيك| انتظر فيك...من اهم الافعال... مثال يستناونا في البلاصة الفلانية بمعني ينتظروننا في المكان الفلاني
ما زال| ما زال
واش اسمك.. .|ما هو اسمك
روح لهيك. ..|اذهب الي هناك
ارواح هنا. .|تعال الي هنا
واش تدير...واش تعمل...واش درت..واش عملت|ماذا تفعل..ماذا فعلت
الخدمة..|العمل..الوظيفة
واش تخدم..|ماذا تعمل
نسألك...نجاوبك| اسألك..اجيبك
راهو يحكي...|هو يحكي..||كلمة راهو اصلها اراه و فيها ايضا معني التسويف مثال راه رايح يجيب الدراهم بمعني سوف ياتي بالمال
الجْـنَانْ| الحديقة او البستان
تليفيزيون / تلفاز
..طوموبيل/ ..سيارة
سبيطار../ مستشفى
شرطة..لادوان|شرطة..جمارك
نسا| نساء
دزاير..الجزائر|الجزائر
حتا شي| ولا شيء
الشر| الشر ..فيه ايضا معني الجوع. مثال اقول أنا ضعت بالجوع بمعني انا جائع جدا
ودرت . ضيعت| اضعت
الجامع| المسجد و ايضا يقصد به المدرسة
نحب| احب اود ارغب...من اهم الافعال
نكره| اكره
انتاعي او تاعي| تبعي..من اهم الافعال و فيه معني الملكية
نهدر| اتكلم..من اهم الافعال
ادي / خذ..من اهم الافعال
غدوا..البارح| غدا ..البارحة
السمانة. الشهر| الاسبوع..الشهر..السمانة كلمة ذات اصل فرنسي
بكري..متوخر| مبكر..متأخر
نوض| انهض و ايضا معني ابتعد..مثلا نقول غدوا نوض بكري..اي غدا سانهض باكر. مثال اخر نقول نوض من تم بمعني ابتعد من هناك.
نعس رقد| نام
شطح| رقص
ننسي| ننسي
عييت عيان| تعبت متعب...من اهم الافعال
مدقدق..مهتك| متعب جدا..منهك القوي
برية| رسالة
بره| الخارج
خبي| اخف..
خلي يخلي| ترك يدع..مثال خليني أ روح بمعني دعني اذهب..خليك منها بمعني دعك منها
نحكم| امسك اخذ حكم..من اهم الافعال. مثلا نقول احكم مليح الحيل من تم أي امسك الحبل بشدة من هناك ..حكمتهم
ما خليتهش يروحو بمعني امسكتهم و لم اتركهم يذهبوا
نهز يهز| يرفع يحمل..من اهم الافعال
يرص يعبص| يضغط
يطيش | يرمي يتخلص من
ما تعاودش| لا تعيد
نقيل قيلني| ابتعد عن دعك من..مثلا اقول قيلني منك بمعني دعني منك
يتيري | يرمي
جايح| جانح طائش
طاير| مشاكس
تخلعت|فوجئت مع الخوف الشديد
بلاك| ربما
سباط| حذاء
قمجة| قميص
ما بقاش| لم يعد
جريت وراه| جريت وراءه
كلحني| غشني
ازرب| اسرع
سطر وجع|الم
ان شاء الله تكونوا فهمتوا شوية من لهجتنا ..خاطر سهلة بزاااااااااف . ايا بقاو على خير
