دق علينا الباب..
عريس وسيم وحباّب..
قال وكلماته كلها آداب..
أطلب ايد بنتكم ومصونتكم رباب..
قالوا هات يا حلو و ياحباب
من الاخر كل الأسباب.
التي تجعلك في نظرنا شيخ الشباب..
قال : أنا فتى طموح وصبور وألمعي..
وخريج والله و جامعي..
موظف وليل ونهار وانا في سعي..
لإيجاد دخل أضيفه للفلوس الي معي..
قال لي سامعي..
هذا كله لعي في لعي..
اسمع عروسنا المصون البتول..
شو رايحة الك تقول..
وأرجو انك ما تنصاب بالذهول..
عصرنا ومجتمعنا هو المسئول..
قالت ابدأ بالمحمول..
نوكيا N96 لأحلى Call..
وبدي بيت 250 متر..
ما بينقصو شبر..
بأغلى مناطق بهلحظر..
ملبس بأفخم واغلى حجر..
أكيد ملك مش متأجر..
بأحلى فرش متحضر..
وبدي منك يا عزيز..
حتى تكون عريس لزيز..
وحتى هالجوازة تجيز..
سيارة متل سيارة..
بريتني سبيرز..
لا تقلي شيري ولا ماتيز..
شفت طلباتي مو كتير..
العرس من بكرا بيصير..
قال العريس مابدها تفكير..
هي طلبات ولا تكفير..
شيلوا من قدامي هالعصير..
أنا من بكرا بكير..
رح صير حرامي كبير..
مرتشي وفاسد وشرير..
وشو ذنبي اذا الله خلقني فقير
واهل البنت ما بدهم الا واحد قدير.
