المكالمة انتهت
رن الجرس . رديت قوام . وقبل ما ابدأ فى الكلام
إتكلمــت .. إتأسفــت .. إتنهــدت .. قالــت حـــرام
تبعدنى عنك ليه أنا . .. . إحنا بقالنا كام سنة
إرجعلى رجعلى الهنا . .. . وحياة عنيك إرجع قوام
والمكالمة إنتهت
رن الجرس . جانى الخبر . إن اللى حبيته غدر
وراح بجد . وحب حد . غيرى أنا وباعنى وهجر
خليه يروح هاعمله إيه . .. . هو اللى باعنى وبإيديه
معقول يبيعنى وأشتريه . .. . أهو ده النصيب وده القدر
والمكالمة أنتهت
رن الجرس . وإتكلمت . سألت عليا وسلمت
وكأنــها . ولا همــها . اللى حصل وإتنبهـت
إنى مارديتش السلام . .. . وكأنى مش سامع كلام
ندهتنى .. قلتلها سلام . .. . المكالمــــة إنتهـــــــت
والمكالمة إنتهت
mizoooo!@
